“Laephi vaw balyn la cceih oh lah raepaw miakaw kyakhe thehoypaw la ho oh” Mark 16:15.
ZCBA Media Policy hynh ccungccaw lukheit meh hiinnaw te meh zynnaw kha a rotu te a rhawse tu paw lan cite rae paw thua lei te Bawipaw Pachia a ram te apeenaw te ZCBA ram koukou konaw lan tangsah cite e-naw te raepaw nynh athua.
1. ZCBA Media Uhccaw Hae Mangnaw
“Nanning tuh Pachia nynh a popaw, athyaapaw te sungsahpaw na thua oh hawte, ngaethya umsahnaw, lungnenaw, lungsaenaw khate ccaankuh oh” Kolose 3:12.
A) ZCBA media (video, photo, pictures, website, facebook page and etc.) tuh Pachia Apeenaw te Aram a kosahpaw te ZCBA ram a kosah paw a thuakhonaw lan a bapi lante mangpaw athua cih.
B) ZCBA Media uhccaw hynh ‘kamaw ka uhccaw nynh athua’ cite mang leite Pachia uhccaw nynh a thua cite mangpaw athua cih.
C) ZCBA Media uhccaw hae hynh pyngparaveih (personal) rynaw lang mang kho thua khyh. Pyngparaveih (personal) pekinaw lang a mang ry lanze ZCBA Media director kalan te accangpaw kawhoitu hae kalan a thaesahtou cizah ZCBA media director nynh mangkhonaw kaw apya haeze makhae mangkho athua cih.
D) ZCBA Media uhccaw a hawku ry haeze ZCBA Media director te accangpaw kawhoitu hae kalan athaesah ty cih.
E) ZCBA Media kawhoitu (director te ZCBA O.C) hae kalan thaesahty leite ahmaw pyngpaveih rynaw lan a mang lan athuaze uhccaw hae hanlan “full responsibility” tavuing alawku cih.
F) ZCBA Media uhccaw hae tuh ZCBA By-law & Constitution te ZCBA Media Policy te a rhawsekupaw hanlan mang kho thua khyh.
2. ZCBA Media Uhccaw Hawkunaw
A) ZCBA Media uhccaw a hawku rypaw a um lanze ZCBA Media kawhoitu (director te ZCBA O.C) hae kalan a thaesahtou cizah ZCBA Media director nynh nawccawnaw a hoi koute hawku kho athua cih.
B) ZCBA Media uhccaw a hawku paw nynh uhccaw a rosah lanze ZCBA Media director te kawhoitu hae kalan arang te (imediatly) athaesah cih.
C) ZCBA Media director te kawhoitu hae thaesah leite uhccaw a mang lanze ZCBA Media Policy kya ah um thyhawte tavuing (full responsibility) alawku cih.
D) ZCBA Media uhccaw ahawku paw nynh mangkhonaw ccyh pyakupaw accyh alue lan athuaze ZCBA Media director te kawhoitu hae kalan a ccyh angiaku thui cih hae. Accyh alue koute thaesahtou leite uhccaw hae a mang lan athuaze uhccaw hae hanlan “full responsibility” tavuing alawku cih.
E) ZCBA Media uhccaw hae tuh ZCBA BY-law & Constitution te ZCBA Media Policy te a rhawsekupaw hanlan hawku kho thua khyh.
F) ZCBA Media uhccaw ahawku koute ZCBA Media uhccaw balyn tuh ZCBA Media Director kalan ah ap/nung cih.
Hynh-e Media Policy tuh Vae (4) Naw ZCBA EC Meeting, Ninpahngawnin, August 31, 2018, Atlanta, Georgia tuanaw kyate EC nynh naw ccawnaw hoikhae paw nynh athua.
